Á þessari vefsíðu fjalla ég um vettlingaprjón með tilvísun í bókina ÍSLENSKIR VETTLINGAR | 25 nýjar útfærslur á gömlum mynstrum.
On this website I will publish tutorials and other information about mitten knitting from the book ICELANDIC MITTENS l patterns made new.
Með kveðju / With regards, Guðrún Hannele
Reykjavik Knitting Company er vettvangur minn, Guðrúnar Hannele Henttinen, textílkennara, prjónkennara og menntunarfræðings. Áhuginn nær til alls kyns hannyrða fyrir utan prjónið, en öðru og þriðja sæti eru útsaumur og bútasaumur.
Ég hef rekið garnverslunina Storkinn frá 2008 og þar snúast mín verkefni meira og minna um prjón; garn, áhöld, kennslu á námskeiðum, prjónhönnun, uppskriftir og auðvitað fyrirtækjarekstur. Það eru sannarlega forréttindi að fá að vinna í fagi sem er jafnframt áhugamálið.
Í prjóni er svo margt í boði, en vettlingaprjón hefur átt hug minn allan um árabil. Á Íslandi er að finna fjársjóð í öllum fallegu vettlingunum sem hafa verið prjónaðir í gegnum tíðina. Í vettlingabókinni er að finna brot af þeim. Núna þegar bókin er komin út, eftir fimm ára vinnu í hjáverkum, tekur eitthvað annað skemmtilegt við. Ekki ólíklegt að það tengist áfram vettlingum, en örugglega prjóni.